Samtidig har du som gjest ansvar for å bidra til å gjere festen bra. Vere med på opplegget, vere positiv og kommunisere med dei andre. Vere ein som bidrar i samtalen.
Inngangen til samtalen startar som regel med at ein presenterer seg ; ”Hei, eg heiter Trine Olsen”. Dernest handlar det om å lytte, plukke opp gratis informasjon av det som du ser og høyrer rundt deg. Kanskje kommentere staden du er på eller arrangementet du er med på – på ein positiv måte. Gode kompliment for eit eller anna er alltid ein god måte å oppnå kontakt på, men det må vere oppriktig og naturlig.
Ein kan og kome med eit utsegn først og deretter spørje om noko i samband med det. Eller ein kan spørje om råd; eg såg at du stod og holdt boka om…. , kommentere ein situasjon eller oppleving. Ein kan td tilby seg å hente frukt eller drikke; ”Eg fekk så lyst på litt frukt, skal eg ta med litt til deg?”
Ikkje alle er den fødte initiativtakar i selskapslivet, men det er ei evne ein kan øve opp. Ein kan lære seg å vere den som tek initiativet til ein samtale og til å bli kjent med nye menneske. Ein må vere villig til å ta risikoen for å bli avvist. Korleis gjer vi så dette?
Tips- den gode lyttar
- Øv deg i å lytte. Du må ha lyst, interesse, konsentrasjon og sjølvdisiplin for å vere ein god lyttar.
- For å vere ein god lyttar må du vise at du lyttar, både med kroppsspråk, mimikk og med tilbakemeldingar.
- Forvent å høyre noko interessant. Det vi forventar, har ein tendens til å bli det vi høyre.
- Lytt med heile deg; øyrer, auge og hjerte.
- Lytt no og fortel om det seinare. Viss du planlegg at du skal fortelje nokon om det du har høyrt, vil du huske det betre.
- Ver tilstades ved at du følgjer den du lytter til. Kom tettere ved å følgje gestik, mimikk og betoning. Når du følgjer den andre blir samtalen meir behagelig å være i.
- Forsøk å minimalisere indre og ytre forstyrrande ting
- Ver sjenerøs og gi den gåva det er å lytte oppmerksamt.
- Ver i nuet, ver merksam på tendensen til å flyte vekk i dagdrømma. Bli i samtalen.
10 gode råd til småprat for å få kontakt
- Smil og søk augekontakt, tenk over kroppsspråket ditt, presenter deg
- Husk å bruke den gratis informasjonen du plukkar opp, grip nuet og nysgjerrigheita og bruk det som skjer rundt deg
- Bruk småprat som ramme for samtalen
- Ver den gode vert og vis innleving
- Komplimenter folk, viss du kan
- Bruk personens namn
- Vis interesse for andres liv og gjeremål
- Grav djupare, ha eit oppfølgingsspørsmål klart
- Ver ein aktiv lyttar
- La vere å gi gode råd, med mindre du blir oppfordra til det.
Tips en venn
Skriv ut